愛不是計較，計較誰為誰付出比較多。

愛是學習，無論在心靈上，身體上，還是生活上。

在愛一個人的時候，我們不要盲目地只看見眼前的光景，

不要被自私自利蒙蔽雙眼，要學習用心去感受身邊的每一份感動，

用行為去表達。一句話，一個動作，一個眼神，

甚至是嘴角的牽動，都可以是無限的力量和扶持。

愛是包容，是比海更深的肚量比天更高的容忍，

是在犯錯後可以閉上眼睛忍痛說無所謂的堅持，

是在一次又一次傷害後仍然可以有相信奇跡的信心。

愛是指引，在有愛的世界裏永遠沒有錯誤的東西，

有的只是帶領你看清世界和人心的路，

從每一次歡笑和悲傷中明白，在每一個白晝和黒夜裏清醒。

當你心中有愛的時候，你會發現原來這個世界是會微笑的。

 好可憐，自己喺外地發燒發到40度，

真係好想識得瞬間轉移馬上飛到媽咪身邊。

其實唔舒服咗好多日，怪自己太博命唔請假仲日日死頂去上班，

個幾舊水就真係好鳩難賺囖。請咗一天假好咗少少之後，

第二天就拿拿淋跑去翻工，結果冇翻到兩天就發高燒了。

唉，甲流高峰期，話唔埋下一個瓜老襯個個就係我了。

好想搵個人關心下，廿四小時寸步不離咁陪喺我身邊，

如果宜家喺屋企，有媽咪喺身邊照顧我就好了，555…

好想喊，好想翻韶關好唔想自己喺深圳，

咳到出血都唔敢請假要去賺個140蚊，宜家真係買藥都唔夠。

點解有啲人搵錢就咁易我啲錢就咁難搵喔，

人哋出去玩一晚就用咗我兩個月工資，食餐宵夜都話1200嘅，

1200我都要個幾星期先搵得到囖，真係同人唔同命同遮唔同柄。

唔明白點解啲人命就咁好，下世投胎時可唔可以都俾我投住好人家喔？

我嘅Ideal Lover要係米八以上帶cap帽嘅黒框眼鏡肥仔，

一定要有肚攬，要鐘意著格仔翻領襯衫，扣埋第一粒鈕。

鐘意喺衣服入面加多件白色短袖打底。

濃眉，大眼，把聲要百分百好聽同溫柔。

鐘意英文歌同Rap，要好飲得，可以好鹹濕，

但係唔可以賤格，亂溝女noway，見親條條女都要話唔靚，我最索。

行出街絕對唔可以望第二個，唔可以話其他女人波大腳長，

就算我話個個女嘅好靚你都要同我講我比較靚。

我問你我冇化妝係咪好醜時你唔可以講係，要時刻俾到信心我。

我話我好想食野個時無論幾宴你都會馬上落街買，

雖然其實好多時候我都係講下，根本就唔會要你去。

唔可以同我爭電腦爭電視，可以發脾氣我會氹你，

但我發脾氣個時我都好希望你可以氹我，而唔係掉轉頭走咗去。

突然間才發現時間流走的速度快過從水龍頭裏流出來的自來水，

刷刷刷地就一整片光陰。

今天是萬聖節，和嘴嘴分手一年零兩個月，

和李文傑認識了十一個月，和生在一起十個月。

一個半月之後就奔二了，終於開始覺得自己浪費掉太多青春。

上一年的萬聖節在卡士，生日也是，

真的只一眨眼一年就匆匆地過去了，而我捉住了甚麼。

不知不覺來深圳就大半年了，可是卻越走越下坡，

居然還沒有比剛來的時候要好一點。真的很可悲。

但至少在這裏的七個月，我認識了很多我過去十九年都未曾明白的道理，

無論關於生活，關於社會，關於愛情，關於家庭，關於金錢，

我真的覺得自己受益良多。雖然這些收益我用了很多眼淚和痛苦去兌換，

但我希望未來我會明白這些都是值得的。